اسلام ٹائمز۔ جنوبی وزیرستان میں فورسز کے قافلے پہ دہشتگردوں کے حملے میں دو سکیورٹی اہلکار شہید ہو گئے ہیں۔ شہید ہونے والے اہلکاروں میں حوالدار مطلوب حسین اور سپاہی سلیمان خان شامل ہیں۔ تفصیلات کے مطابق جنوبی وزیرستان کی تحصیل مکین کے علاقے پش زیارت میں فورسز کے قافلے پہ نامعلوم دہشت گردوں نے گھات لگا کر حملہ کیا ہے، جس کے نتیجے میں دو اہلکار شہید ہو گئے ہیں، شہید ہونے والوں میں حوالدار مطلوب حسین اور سپاہی سلیمان شامل ہیں۔ پولیس ذرائع کے مطابق پولیس نے علاقے میں سرچ آپریشن شروع کر دیا ہے۔