اسکردو روڈ کی منسوخی بلتستان کو سو سال پیچھے دھکیلنے کی سازش ہے، پی ٹی آئی

اسلام ٹائمز۔ تحریک انصاف بلتستان ڈویژن کے جنرل سیکرٹری محمد علی دلشاد نے کہا ہے کہ جگلوٹ اسکردو روڈ کی منسوخی بلتستان کو 100 سال پیچھے دھکیلنے کی سازش ہے۔ آج حزب اقتدار میں شامل جماعتیں ایوانوں سے اس سازش کے خلاف احتجاج کررہی ہیں جس سے یہ تاثر جنم لے رہا ہے کہ گلگت بلتستان کی تعمیر و ترقی میں ایسی نادیدہ قوتیں حائل ہیں جو عوام کے رائے دہی کے ذریعے منتخب شدہ نمائندوں پر بھی حاوی ہیں، جن کے سامنے اراکین پارلیمنٹ بے بس و لاچار ہیں۔ انہوں نے بیمرا کے زیر اہتمام منعقدہ کل جماعتی کانفرنس سے خطاب کرتے ہوئے کہا کہ اسکردو جگلوٹ روڈ جیسا اہم میگا پراجیکٹ لوکل اداروں کے ذریعے تکمیل دلانے کی بجائے باقاعدہ انٹرنیشنل لیول پر ٹینڈر کرکے غیر ملکی کمپنیوں کے ذریعے اس پراجیکٹ کی تکمیل کی جائے تاکہ معیاری منصوبے کے ساتھ مقررہ وقت پر یہ منصوبہ مکمل ہوسکے۔