ایم ڈبلیو ایم کے تحت اسیران کی رہائی کے لئے پریس کلب راولپنڈی کے سامنے زبردست احتجاجی مظاہرہ

اسلام ٹائمز۔ مجلس وحدت مسلمین کے تحت اسیران سانحہ راولپنڈی کی رہائی کے لئے پریس کلب راولپنڈی کے سامنے زبردست احتجاجی مظاہرہ کیا گیا۔ احتجاجی مظاہرے میں خواتین، بچوں اور جوانوں کی بڑی تعداد نے شرکت کی۔ مظاہرین نے ہاتھوں میں پلے کارڈ اور بینر اٹھا رکھے تھے، جن پر اسیران کی رہائی کے حوالہ سے مطالبات درج تھے۔ اس موقع پر اظہار خیال کرتے ہوئے علماء کرام نے کہا کہ بے گناہ قید افراد کی رہائی تک یہ تحریک جاری رہے گی۔ انہوں نے ارباب اختیار سے مطالبہ کیا سانحہ راولپنڈی کے پس پردہ سازش کو بے نقاب کیا جائے۔