باراک اوباما نے یوکرائن کیلئے ایک ارب ڈالر امداد کے بل پر دستخط کر دیئے

اسلام ٹائمز۔ امریکی صدر باراک اوباما نے یوکرائن کیلئے ایک ارب ڈالر امداد کے بل پر دستخط کر دیئے ہیں۔ قانون میں روس پر نئی پابندیوں کی شق بھی شامل ہے۔ امریکی میڈیا کے مطابق صدر باراک اوباما کے دستخط کے ساتھ ہی یوکرائن کی امداد کا بل قانون بن گیا ہے، جس کے تحت امریکہ یوکرائن کو ایک ارب ڈالر قرض کی ضمانت دے گا۔ قانون میں روس پر نئی پابندیاں لگانے کی شق بھی شامل ہے۔ یوکرائن کے بحران میں کردار ادا کرنے والے کچھ روسی حکام پر پابندیوں کا اطلاق ہوگا۔