لاہور:
اسلام ٹائمز۔ نواز شریف سے شاہ محمود قریشی کی ملاقات پیپلزپارٹی کے رہنماؤں کو ہضم نہیں ہو رہی اور پنجاب کے عہدیداروں نے آج وزیراعظم یوسف رضا گیلانی سے ملاقات کر کے سابق وزیر خارجہ کے خلاف کارروائی کرنے کا مطالبہ کیا ہے۔ وزیر خارجہ بننے سے قبل شاہ محمود قریشی پیپلزپارٹی پنجاب کے صدر بھی تھے، لیکن آج ان کے پرانے ساتھی ان کی سرگرمیوں سے ناراض ہو کر شکایت کے لیے وزیراعظم کے پاس جا پہنچے۔ وفد میں راجہ ریاض اور شوکت بسرا سمیت دیگر اہم سیاسی رہنما بھی شامل تھے۔ پیپلز پارٹی پنجاب کے عہدیداروں نے وزیراعظم گیلانی سے مطالبہ کیا کہ سابق وزیر خارجہ شاہ محمود قریشی کے خلاف ڈسپلنری ایکشن لیا جائے۔ ملاقات میں پنجاب کی سیاسی صورتحال پر غور کیا گیا۔