چار جماعتیں ایم ایم اے کے پلیٹ فارم سے الیکشن لڑینگی، جماعت اسلامی کا انتظار نہیں کرینگے، فضل الرحمان

اسلام ٹائمز۔ جمعیت علماء اسلام (ف) کے سربراہ مولانا فضل الرحمان نے کہا ہے کہ چار جماعتیں ایم ایم اے کے پلیٹ فارم سے الیکشن لڑیں گی۔ جماعت اسلامی کا انتظار نہیں کریں گے۔ پشاور میں میڈیا سے گفتگو کرتے ہوئے ان کا کہنا تھا کہ قوم کو اپنا مستقبل سنجیدہ قوتوں کے حوالے کرنا ہوگا، بیرونی امداد کے بجائے ملکی وسائل پر انحصار کرنا ہوگا، امن اور معیشت بنیادی چیزیں ہیں، پرتشدد مظاہروں سے دنیا کو غلط تاثر ملا، سپریم کورٹ تحقیقات کرے۔ دیگر ذرائع کے مطابق جے یو آئی ف کے سربراہ مولانا فضل الرحمان نے کہا ہے کہ ایم ایم اے کی بحالی کیلئے جماعت اسلامی کا مزید انتظار نہیں کیا جائے گا۔ قوم موجودہ قیادت کی وجہ سے شرمندہ ہے۔ اداروں کو درست کرنے کی ضرورت ہے۔