واشنگٹن:
اسلام ٹائمز-آج نیوز کے مطابق وکی لیکس کے انکشافاتی دھماکوں کا خطرہ،امریکا نے پاکستان کے بعد اب بھارت کو خبردار کر دیا،امریکی دفتر خارجہ نے وکی لیکس کو بھیانک نتائج کا اشارہ دیدیا،وکی لیکس کے سربراہ جولین اسانگ نے کہا ہے کہ دستاویزات موجودہ دنیا کے ہر اہم معاملہ کا احاطہ کرتے ہیں۔وکی لیکس انکشافات کا پیشگی خطرہ عالمی میڈیا پر منڈلا رہا ہے،راز افشا ہونے پر پاکستان،بھارت،برطانیہ،کینیڈا،اسرائیل،ڈنمارک،ترکی اور ناروے کے حوالے سے دستاویزات میں امریکا کیلئے شرمندگی کا کافی سامان ہے۔امریکا نے پاکستان کو تو پیشگی اعتماد میں لے لیا ہے،تاہم بھارت کو خبردار کیا ہے کہ انکشافات سے امریکا بھارت تعلقات تباہ ہونے کا خدشہ ہے۔
امریکی دفتر خارجہ نے وکی لیکس کو خط میں خبردار کیا ہے کہ دستاویزات کے افشا ہونے سے مہلک نتائج سامنے آئیں گے۔وکی لیکس کے سربراہ جولین اسانگ نے اردن میں صحافیوں سے وڈیو لنک خطاب میں کہا ہے کہ دستاویزات دنیا کے ہر اہم معاملے کا احاطہ کرتے ہیں۔