اسلام ٹائمز۔ غزہ پر اسرائیلی فضائی حملے میں 3 فلسطینی شہید جبکہ متعدد زخمی ہوگئے۔ اسرائیلی طیارے نے وسطی غزہ کے نزدیک بریج کے علاقے میں فضائی حملہ کیا، جس کے نتیجے میں 3 فلسطینی شہید اور متعدد زخمی ہوگئے، زخمیوں طبی امداد کیلئے مقامی اسپتالوں میں منتقل کر دیا گیا، جن میں بعض کی حالت نازک ہے، دوسری جانب اسرائیلی فوج نے الزام عائد کیا ہے کہ مرنے والے فلسطینی اسرائیل پر راکٹ حملہ کرنے کی تیاری کر رہے تھے جبکہ حماس کا کہنا ہے کہ جاں بحق ہونے والے فلسطینیوں کا تعلق ان کی تنظیم سے نہیں تھا۔