کوئٹہ، سریاب روڈ پر بم نصب کرتے ہوئے 2 دہشتگرد گرفتار

اسلام ٹائمز۔ کوئٹہ میں سریاب روڈ پر گاہی خان چوک کے قریب دو دہشتگرد سڑک کنارے بم نصب کر رہے تھے۔ گشت پر مامور ایف سی کی گاڑی کو دیکھ کر ملزمان نے بھاگنے کی کوشش کی، لیکن ایف سی جوانوں نے دونوں کو گرفتار کرلیا۔ بم ڈسپوزل اسکواڈ نے موقع پر پہنچ کر بم کو ناکارہ بنا دیا۔ ایف سی ذرائع کا کہنا ہے کہ دہشتگرد رات میں بم نصب کرکے صبح کے وقت دھماکہ کرنا چاہتے تھے۔ جس سے بڑی تباہی پھیل سکتی تھی۔