سب جانتے ہیں کہ قرضوں سے کتنی خوشحالی اور کتنی بدحالی آئی، غیر ملکی بھیک نے پاکستان کی بنیادوں کو ہلا دیا، شہباز شریف

لاہور:اسلام ٹائمز۔ وزیراعلی پنجاب شہباز شریف نے کہا ہے کہ غیروں سے بھیک نے پاکستان کی بنیادوں کو ہلا دیا، سب جانتے ہیں کہ قرضوں سے کتنی خوشحالی اور کتنی بدحالی آئی ہے۔ لاہور میں ایک تقریب سے خطاب میں وزیراعلی پنجاب شہباز شریف نے کہا کہ ملک پر تریسٹھ ارب ڈالر کا قرضہ ہے، حکمران اپنی جیبیں بھرنے میں لگے ہیں جبکہ عوام مہنگائی اور قرضوں کے بوجھ تلے دبے جا رہی ہے۔ انھوں نے کہا کہ ملک اب قائداعظم کا نہیں بلکہ دو طبقوں میں بٹ گیا ہے۔ ایک جانب غربت تو دوسری طرف دولت کے ڈھیر ہیں۔ شہباز شریف کا کہنا تھا کہ ملک دشمن عناصر کی نظروں میں پاکستان کا نیوکلر پروگرام کٹھکتا ہے۔ انکا کہنا تھا کہ پنجاب میں تعلیم کے نام پر قائم کیے گئے فنڈز میں چھ ارب روپے جمع ہو چکے ہیں۔