اسلام ٹائمز۔امریکہ نے افغان طالبان سے روابط کیلئے جمعیت علمائے اسلام (س) کے سربراہ مولانا سمیع الحق سے رابطہ کرلیا۔ مولانا سمیع الحق نے نجی ٹی وی سے گفتگو کرتے ہوئے بتایا کہ امریکہ نے افغان طالبان سے روابط کیلئے رابطہ کیا ہے، افغان طالبان سے روابط کیلئے باقاعدہ درخواست امریکی سفیر نے دی۔ انہوں نے کہا کہ جولائی میں امریکی سفیر رچرڈ اولسن سے ملاقات اسلام آباد میں ہوئی جس کے دوران میں نے ثالثی کردار ادا کرنے پر آمادگی ظاہر کی تھی۔ مولانا سمیع الحق نے کہا کہ کچھ افغان طالبان سے اچھے روابط قائم ہیں، تاہم میں نے امریکی سفیر سے کہا تھا کہ ہمیں بات چیت کا ایجنڈا بتائیں۔