اسلام ٹائمز۔ تحریک انصاف کا سونامی لاڑکانہ میں جوش دکھانے کے لیے تیار ہے۔ جلسے کی تیاریاں اختتامی مراحل میں داخل ہوگئیں۔ لاڑکانہ کے علاقے علی آباد میں تحریک انصاف کا پنڈال سجایا جارہا ہے۔ دو لاکھ کی گنجائش والے اس مقام پر تحریک انصاف نے پچاس ہزار کرسیاں لگانے کا اعلان کیا ہے۔ ایک طرف جہاں اسٹیج کی تیاری زور و شور سے جاری ہے دوسری طرف سانڈ سسٹم بھی رنگ جمانے کے لیے پہنچ گیا۔ لائٹنگ کے لیے پول لگادیے گئے، کپتان کے کھلاڑیوں کو کل کے جلسے کا شدت سے انتظار ہے۔