اسلام آباد:
اسلام ٹائمز۔ قائد تحریک نفاذ فقہ جعفریہ آغا سید حامد علی شاہ موسوی نے محترمہ نصرت بھٹو کے انتقال پر تعزیت کا اظہار کیا ہے۔ بھٹو خاندان اور پاکستان پیپلز پارٹی کے کارکنوں کے نام اپنے تعزیتی پیغام میں مرحومہ کی جدوجہد، قربانیوں اور خدمات کو خراج تحسین پیش کرتے ہوئے انہوں نے کہا کہ عوام کے شانہ بشانہ مارشل لاء دور کی سختیاں اور تشدد برداشت کرکے محترمہ نصرت بھٹو نے جمہوریت کی بحالی کے لئے جو دلیرانہ اور سرفروشانہ کردار ادا کیا وہ ہمیشہ یاد رکھا جائے گا۔ انہوں نے مرحومہ کی مغفرت اور سوگواران کے لئے صبر جمیل کی دعا کی۔