اسکردو:
اسلام ٹائمز۔ سید مہدی شاہ نے کہا ہے کہ ایگزیکٹیو انجیئرز کی مہربانی سے ایک ارب 20 کروڑ روپے ملازمین کی تنخواہوں کیلئے اضافی جاری کئے گئِے، اگر اضافی ملازمین بھرتی نہ کئے گئے ہوتے تو نہ صرف ہماری مشکلات میں کمی ہوتی بلک اضافی اخراجات کی بھاری رقم علاقے کی تعمیر پر خرچ کی جاسکتی تھی۔ محکمہ جاتی سربراہان کی میٹنگ میں انہوں نے کہا کہ اس منصف پر فائز ہونے کے بعد تمام عوام میرے لئے برابر ہیں اور بحیثیت وزیراعلٰی نہ تو کوئی میرا رشتہ دار ہے اور نہ دوست، لہذا افسران میرٹ کے مطابق کام کریں اور دفاتر میں نظام بہتر بنائیں۔ اُنہوں نے کہا کہ مقامی وزیراعلٰی ہونے کے ناطے میں سب کو جانتا ہوں اور تمام حالات سے باخبر ہوں اور مجھے سب معلوم ہے کہ کون کیا کر رہا ہے۔ اُنہوں نے کہا کہ محکموں کے سربراہ ذاتی پسند ناپسند کی بجائے قانون کے مطابق سلوک کریں اور آئندہ میرٹ سے ہٹ کر نوازنے کی کوشش کی گئی تو متعلقہ افسر کو گھر بھیجا جائیگا۔