لندن:
اسلام ٹائمز۔ معروف مذہبی اسکالر ڈاکٹر طاہرالقادری نے کہا ہے کہ اسلام مسائل کے حل کیلئے ڈائیلاگز کی تعلیم دیتا ہے۔ لندن میں بین الاقوامی امن کانفرنس سے خطاب میں طاہرالقادری نے کہا کہ دہشت گردی کا اسلام سے کوئی تعلق نہیں۔ اسلام امن، پیار اور سلامتی کا مذہب ہے۔ مسائل کے حل کیلئے اسلام اس بات کی تعلیم دیتا ہے کہ مذاکرات کیے جائیں۔ کانفرنس میں دنیا بھر کے معروف اسکالرز نے شرکت کی۔ جن میں تمام مذاہب سے تعلق رکھنے والے لوگ اور مذہبی رہنما شامل تھے۔ اجتماع میں مجموعی طور پر تیرہ ہزار سے زائد لوگ شریک تھے۔