اسلام ٹائمز۔ امام خمینی (رح) وحدت امت کے داعی کے عنوان سے منعقدہ سیمینار سے خطاب کرتے ہوئے متحدہ علماء محاذ کے سیکرٹری جنرل مولانا محمد امین انصاری کا کہنا تھا کہ خمینی وحدت و اتحاد کی علامت ہیں، خمینی شیعوں، سنیوں، بریلویوں، دیوبندیوں کے مشترکہ رہنما ہیں۔ امام خمینی نے قبلہ اول کی آزادی اور مظلوم فلسطینیوں کے ساتھ اتحاد و تعاون کا فتویٰ دیا۔ انہوں نے اہل تشیع سے کہا کہ وہ خمس ان مجاہدین کو دیں جو فلسطین کی آزادی کے لئے لڑ رہے ہیں۔ ہم امام خمینی (رہ) کو خراج تحسین پیش کرتے ہیں جنہوں نے فتویٰ دیا کہ امہات المومنین (رض) کی توہین حرام ہے۔ آج پاکستان کو بھی امام خمینی جیسی صالح، نیک، مدبر قیادت کی اشد ضرورت ہے۔